يابس هلورگ يوميه ورگه اطيح
خريف اصفر عمرنه الغربه صبغتنه
تتكسرتموت اوراگ،تصرخ حيل لو تنداس
وحنه بكل سكوت اتصير موتتنه
لاحيل البعد موجود لاعين التشوف النور
نمسك بالارض واتصير گومتنه
عسر،بُخل الوكت وهمومنه اشكال
دنيه من العجب راوتنه غربتنه
نتعشه الالم والعتب فوگ الراس
نتريگ حزن غـدّتنه دنيتنه
نغفه من التعب وفراشنه احزان
نتغطه المرار اتصير نومتنه
ياليل الوطن لو ساعه الاگيك
لوتحت التراب اتصير لگوتنه
نتحسر نشوف اصور نهر كارون
ننهت بس ندم دنيانه خلتنه
نبچي بس ندم دنيانه خلتنه
فاضل الاحوازي ..نموت ويحيى الوطن
