عُـذرا يا وطن عـُذرا
حگك لو بچيت سنين
ودموعك عله أخدودك حفروديان
حگك لوسماك أغيوم
وسيول الدمع يروان
حگه لو زعل كارون
أوحگك لوچنت زعلان
حگك لونهارك ليل
والحزن إلك حزنان
حگك لو چنت مهضوم
أوحگك مستحي وخجلان
رويت الكون بدموعـك
وانته اجالع و،عطشان
ماشفت الربيع أبيوم
ولا خضر إلك بستان
تعتب علزلم عافوك؟
ماتدري الزلم خرفان؟
هذول أشباه شبه ارجال
مامش نار بس دخان
بناك ارجال ومفتشين؟
جوگه امچتفه وعميان
يشهرون بنفسهم حيف
لابسهم طلع عريان
باعته الخجل هلناس
جدوا بيك طاسه ودگوال بيبان
جناسيهم خذوهه وصاروا أجناب
أوربوهه الكرش من خير الأوطان
دِ بس كافي المراجل عيب ياناس
لوذرة خجل بسك يبو افلان
أومثل ما گالت السمره العراقيه
دِ ذبوها العگل خلوهه لنسوان
فاضل الاحوازي…نموت ويحيى الوطن
