دللول الــولـد يبني دللول
عدوك موغشيم مخدرالعگول
دللول الولد يبني دللول
عدوك بالوطن موساكن الچول
دللول الـولـد احسنلك أتنام
لان هاذ العدو شيطان منعول؟
عدوك بلعرب يلعب من سنين
فايزكل وكت و يسجل الگول
خسرانه العرب مدري اشلفاهم
غرگانه المراكب فوگ الحمول
السياسه موش لعب اچعاب يفلان
لو حظك گعد لو يلچي الصول
السياسه أتريد ثعلب ينگلب ذيب
ياكل بالغنم و يصيح ماكول
ثعلب بالشكل بس حية ام راسين
اتسم اليضدهه بزاد معسول
زيح الخوف لا تخسر قضاياك
و لا تحچي حچي من غيرمفعول
لاتخجل،تجامل أحَد هيهات
خليلك وجه بلبول مغسول
جاهد للوطن لو باقي وحدك
و اعمل كل عمل بس كون معگول
شلوليلك يخايب والگلب نار
داوي محترگ كل يوم مشعول
دللول ألولد لا تبچي كل ساع
لان محد يسمعك محد ايگول
يا ابني العدو محتل أراضيك
و أنت ابلا وطن تتحده ألسيول
ضاگت و السلاسل هدت الحيل
لان مامن زلم بس ظلت اصخول
دفنوهه السيوف أبوسطه الصدور
اوشدوا علغنم اسروج الخيول
دللول الوكت صاير للأنذال
أو سچاچين الذبح تذبحهه العجول
دللول الولد چا ليش متنام؟
من رگص الزلم من دگ الطبول؟
فاضل الاحوازي…نموت ويحيى الوطن
نستمحيكم العذر اذ خرجنا من النص الأدبي
