بعيونه النجس يخزر كلاها
يخزرهه بحقد من وگفاها
وگفهه النذل من شاف الحجاب
عـربية وأصيله ومن أباها
حقيرونظرته نظرة شياطين
مـد أيـده بنذاله وفـتشاها
يتحسس جسمهه ابن الملاعين
كأن چيله بوسط گلبي ورماها
تتوسل بديهه ادفعه لبعيد
وماتت من خجلهه ومستحاها
تصرخ من گلبهه أتحشم الناس
ما واحد لحگهه وساعداها
ماتت والدمع يترجه بلموت!
حتى الموت ما يسمع رجاها
وين أهل الشوارب وين الارجال؟
وين المعتصم يسمع نداها؟
أهل العيب ماتوا صاروا أتراب
بگت شبه الغنم ترعى أبعماها
خرفان البگت وتلعي كل يوم
تبچي أعلى السچاچين ودماها
ولك عوف الحچي بس من الاشعار
اذا صارالنجم يشبه ثراها
لا هيهات مانسكت والأيام
تثبت بلعمل مو للحچاها
طول اشماردت يا ليل الاحزان
لابد ما تجي شمس وضحاها
فاضل الاحوازي نموت و يحيى الوطن
