الوطن معدن ذهب يضحك على الجنزار
الوطن درة ثمينة ابقعر الابحار
الوطن جنة عدن و تجري بيها انهار
الوطن صوم و صلاة و الحج والاستغفار
الوطن أخلاق طيبة ,الوطن حسن الجار
الوطن صندوق سر و يحفظ النه اسرار
و علم عالي يرف ما فوق الاديار
الوطن هو السلف, الوطن هو الدار
الوطن بيت الشعر و حبال كنبار
الوطن نخلة بريم و تمر قنطار
و نخل برحي الوطن و الوطن جمَار
الوطن غالي او ما ينسام بسعار
الوطن تاريخ يرزح بين الاعصار
الوطن هو السفينه و هو بحَار
الوطن من باب السلام الگصبة النصَار
الوطن هور الحويزة و هور حمَار
الوطن من عيلام هو الحد جبال النار
الوطن قلعة صمود العدو بيها احتار
الوطن نهر يجري الوطن ما تجد بيه معبار
الجراحي و الكرخة الوطن, كارونه الفَوار
الوطن تااااريخ من عيلام يوم الصار
الوطن كله معالم و كله اثار
الوطن بيت العلم يدرسنه افكار
الوطن بيت العروبة و بيت الاحرار
الوطن اسمه الاحواز يخلَف الثوَار
الوطن خيمه و يلمنا اصغار و كبار
الوطن شيخ و مضيف ايلبي للخطار
الوطن ديوان اهلنه و گمگمه الفار
الوطن رييس قبيله الوطن مختار
الوطن مسحات ابوي و فاله و مگوار
الوطن يوم الجهاد انهزمت الكفَار
الوطن بركان يتفجَر على القدَار
الوطن ناموسنه و نحميه من الفجار
الوطن يحمي خوانه من الدنس و العار
الوطن هذا الوطن و حنه اللي نحميه
و ما نخلي الوطن بيدين جزار
الوطن دوحه و يلم الحاط و الطار
الوطن بيرق عشيرة و هوسة وي اشعار
الوطن گعدة عمامي ابصفحة المكصار
الوطن عصَابة امي الوطن , خبز الحار
الوطن نوگف ابحده انصير كلنه اسوار
الوطن لازم نحرسه و نهزم الاشرار
الوطن نحميه من كل خائن و مكار
الوطن شمعه و يشع ما بين الاقطار
و يبقى اوسام و نلبسه احنه تذكار
الوطن فضائية الأحواز و تبث أخبار
الوطن سيف و رمح, الوطن منشار
الوطن نيسان من هبت الثوار
و ذوله اهل النشامه و كلهم أحرار
الوطن ساحة الثورة و المصادم صار
الوطن مهدي و علي و زامل و عمار
الوطن أم الشهيد الگالت اخذوه
و ردت جابت الثاني تريد الثار
الوطن يبقى الوطن و العدو ينهار
الوطن ريسان من كمل المشوار
الوطن هذا الوطن يل تنشد اعليه
الاحوووووووووواز الوطن شتريد, شتختار؟
