قصيدة عن اللغة العربيه بقلم: عظيم البوخنفر

كتبه : المركز الإعلامي للثورة الأحوازية

نشرت فى : 6069 الأدب و الشعر

    احب بسمچ اگولن شعری اللیله

                                    من اطیب کلام اجمع غوافیّه

 

بیچ افخر واجادل واحچی ابشمرات

                                  افخر لن کلنتی البیچ محچیه

وبیچ اگدر اگولن اصلی یا من وین

                                  بیچ الکون کلّه ازدهر نادیّه

بیچ احنه انتماثل بلفخر وانگول

                                   من اطیب کلام الشعر یومیّه

بیچ احچی القصائد واجمل الابیات

                                   من کل نوع میمر والابوذیه

نضل بسمچ نجاهد لآخر الانفاس

                                   مانقبل نعیش ابذل عبودیّه

ما اگدر اوصفچ والوصف کلمات

                                   وانتی الکل کلام وکل معانیّه

شرد احچی وشگولن شرد اوّصف بیچ

                                   کل کلمه ال تلفّض بیچ مبنیّه

یابحر الکلام المانعبر لانگاش

                                   منّه ایخاف کل من جاب طاریه

یل مالچ وصف لولم جمیع اشعار

                                   موکلمات لومقطوعه شعریه

یل بیچ انبعث من ربّنه القرآن

                                   نزلت بیچ آیات السماویّه

نضل بسمچ نجاهدمانطخ الراس

                                   نمشی ابکل دروب البیهه حرّیّه

وعلیچ انضل نحافظ اکثر امن العین

                                   یخسه الگال من البال منسیّه

ویخسه الگال عادات العرب عادات

                                   مابیهه الاصاله وکلهه شکلیّه

بل جذر الاصاله امن العرب منسوب

                                   جاهل ضل غبی الما حطله همّیه

بیچ ایضل اسمنه التاج فوگ الراس

                                   وانتی انتی الاصل من گال عادیّه

انتی الماگدر واحد یوصفچ یوم

                                   انتی اعظم غنابل نوع ذرّیّه

یا کلمت هلی یامنوره الدیوان

                                   یابسمة اگلیبی وکل امانیّه

یاشطالفهم یل سنبلت نیسان

                                   یاچفّت نهرنه المی عذب میّه

یاتاج العروبه وتاج لهل الکون

                                  یاتاج البشت واعگال چفّیه

یل بیچ الوطن یزهی ویشع انوار

                                  ابهوره وطیوره اتناغی بردیّه

وجلسات الاهل تحچی وتسولف بیچ

                                   وایشربو العذب من می شواطیّه

یامحله البیادر والنخیل اشکال

                                  گتطاره وابریمه  ومحله برحیّه

حبچ بلگلب مکتوب مو باوراق

                                   ماینباگ واتبوگه الحرامیّه

ما اوصف شعوری اشما حچیت اشعار

                                   شرد احچی وشگولن بعد مابیّه

وانصح لل یخالط بیچ ای کلمات

                                   من ای نوع کانت تعد سُخریّه

لئن انتی الاصل والاصل ماینعاف

                                   ما واحد گد ر یترک اهالیّه

اشمایعله الگصب عن اصله واشما طال

                                   لابد یوم یرجع لاصله تالیّه

وتبقی للابد انتی الاصل مادام

                                   توجد بلوطن شبّان نشمیِه

ما اگدر احب امن اللُغه غیرچ

                                   لوزادو العمری امن الالف میّه

ارید احچی اباسمچ للحضور انچان

                                    مایدرون گلبی اشخافی من نیّه

اریداحچی واگل للمجتمع قصدی

                                   من شعری الحچیته اللُغه العربیه

عظيم البوخنفر    

 

عن جد من انا!!!!!!!!!!!!!!!!!!!!!!! بقلم: يوسف يعقوب…

مير عبدالله الاميري..

كنت اتسائل عن الجيش الخزعلي و جنود الاحواز المرابطين في الحدود فأردت ان ارى…

أقرا المزيد

سجِّل أنا عربي من اشعار زمزم…

سجِّل أنا عربي أمجاد أجدادي   مشاعري مُختَلِطَة لا أُعرِفَ حَقيّقتُها أو أصلها هل هي فارسيةُ أم عربية تصوروا... إنني على جدال حتى مع…

أقرا المزيد

بنت العشیره بنت الهورو الشط والنخیل بنت الکرخه…

  صب يامطرررررر سن الاحواز اليوم ضاحك وابتشر صب يامطرررررر زيل الغبار وودر الهم والكدر صب يامطرررر اهل الحقد سدو عله فلاحنا  شط الامل ويبسو…

أقرا المزيد

عن جد من انا!!!!!! هذه الحلقة عن غضبان…

كان خلف ابو حالن مصرا على الاستعداد التام للجيش والاستنفار العام وكان الامير خزعل يطمئنه و…

أقرا المزيد