مره امشي وصدفه لاگيت الاسد
خايف ومچفي اعله وجهه
اتگول فارا مواسد
ساكت ويابس مكانه
چنه ميّت للابد
مدري شمخوف سبعنه
اتگول نعامه ولـِبَـد؟
چان مقهور ويعاني
يشكي من وكته النكد
گتله ابو خمّيس عليمن
ليش تصرخ يامَـدد
ليش عينك رايحه
وليش ماكلهه الـُرمـَد؟
گال ابورويشد طردني
وهسه باقي ابلاوطن وابلا بلد
وگال ابچي من زماني
وذيچ ايام السعد
گال عيرني زماني
ومايعدني اصلاًعدد
گال من جرح السان
گلي شيطيبه بعد؟
والزرع ورد بزمانه
غيرعاگول شحصد؟
گتله اهجر هلمكان
تدري من جده وجد؟
گال هاجرت وشفت
الحقدنفس الحقدوالحسدنفس الحسد
گال ما امشي يخايب
كلهه ضيجه وچلكبد
ردت امشي أو وگفاني
وراد من عندي وعد
گال بال وبال بالك
ابد لتأمن بحد
گال نفسك ثم نفسك
ثم مالك لا ولد ولا تلد
تالي ماتالي السوالف
كمل النومه وخمد
فاضل الاحوازي..نموت ويحيى الوطن
