الی من یطلب صوتی في الانتخابات الايرانية اقول له قصيدة من صادق عبیات

كتبه : المركز الإعلامي للثورة الأحوازية

نشرت فى : 8692 الأدب و الشعر

مامقبول عذرک شعبی میت جوع

نبی لو یظهر ابهل عذر مااقنع

تحچی اعله الحرام او انته رب البوگ

وامس شفتک ابعینی لل صنم ترکع

سالفتک عتیجه الغیری احچهه ایجوز

یصدگکک بس انه امفتش عدل واسع

علیه اتبیع بارد و انه ابصدری النار

ماتمشی علیه الراح مایرجع

الیساعد یتم یطگع رزق دفان

ابرگبتک چم یتم مذبوح یتمرجع

…………………………………………………….

 

او بعدنه احنه ولاکن موبعیدین

الفکره ابروسنه او ما ضعنه بدروب

عرفنه الباگنه بس ماعرفنه انبوگ

الباگ السله اخونه انبوگ اخونه انوب؟؟

هذن مالاتنه ژایبهن انته امنین

یم ذاناتنه اشگد طگن ابطوب

 

…………………………………………………….

 

نفس مابینه: بیک: البینه: بیک ایصیر

هدفنه انکون واحد کلهه فد فکره

مانعرف نقش ماشینه لقمان

وانته اتماشی گالو جحه او چم جفرا

گلناک یتیم ابرگبتک داریهه

بس درنه لگینه امثعوله ابصطرا

 

…………………………………………………….

 

مانامن گمت لمن یژینی الیل

صوت الجوع اسمعه ایقرقر ابذانی

جبت عمری عسر واتمنه کلشی ایصیر

واشگد احلم یطگ للنجم بنیانی

الماشفته ابحیاتی ابحلمی شابع شوف

وفر لیله دنیه و انه بمچانی

دمعتی او ضحک سنی او حیلی و اصبای

طلعن منی کلهن والبقیت آنی

زاعلنی العسر بس انه امادب حیل

الیازعلنی اویژینی ایهید برکانی

سویلی فضل لاتمر من تحتاز

صوبی !من تمر  ماتلگه شی ثانی

یم المختنگ بس سولف اعله النای

وانه ابخنگت عبرتی اسنین واحزانی

عشر اسنین عمری او عشت میه عام

شعری ابلون سنی الاکل ضرعانی

فطنت اعله التعب من چان عمری یوم

واشد ظهری بظلوعی الوکت خلانی

الیسالمنی یکصر اعظامی من الجوع

الیمرنی احذال گبری اعظام یلگانی

امنشیل ایدی ابصلاتی اتمرض اسبوعین

وانه مومن رقم ماعوزی طگانی

 

اکرهه العسر یخدع چاذبحته

ذلنی او چی علیه چاذبحته

العسر لو چان زلمه چاذبحته

او دفنته ابگبر قاسی ابلاهویه

 

      صادق عبیات

 

 

عن جد من انا!!!!!!!!!!!!!!!!!!!!!!! بقلم: يوسف يعقوب…

مير عبدالله الاميري..

كنت اتسائل عن الجيش الخزعلي و جنود الاحواز المرابطين في الحدود فأردت ان ارى…

أقرا المزيد

سجِّل أنا عربي من اشعار زمزم…

سجِّل أنا عربي أمجاد أجدادي   مشاعري مُختَلِطَة لا أُعرِفَ حَقيّقتُها أو أصلها هل هي فارسيةُ أم عربية تصوروا... إنني على جدال حتى مع…

أقرا المزيد

بنت العشیره بنت الهورو الشط والنخیل بنت الکرخه…

  صب يامطرررررر سن الاحواز اليوم ضاحك وابتشر صب يامطرررررر زيل الغبار وودر الهم والكدر صب يامطرررر اهل الحقد سدو عله فلاحنا  شط الامل ويبسو…

أقرا المزيد

عن جد من انا!!!!!! هذه الحلقة عن غضبان…

كان خلف ابو حالن مصرا على الاستعداد التام للجيش والاستنفار العام وكان الامير خزعل يطمئنه و…

أقرا المزيد